«Манчестер Сити»нинг собиқ ярим ҳимоячиси Бернарду Силва Мадриднинг «Реал» клубига кўчиб ўтиши мумкин. Журналист Хосе Феликс Диаснинг хабар беришича, 31 ёшли футболчининг трансферига «қаймоқранглилар»нинг янги бош мураббийи Жозе Моуриньонинг шахсан ўзи қизиқиш билдирмоқда.
Бундан олдин «қироллик клуби» «шаҳарликлар»нинг собиқ сардори номзодидан воз кечган эди, бироқ эндиликда «The Special One» ушбу келишувни талаб қилаётгани сабабли вазият ўзгариши мумкин.
Бернарду Силва тўққиз йил давомида «Манчестер Сити» шарафини ҳимоя қилди. Португалиялик хавбек муддати тугаётган шартномасини узайтиришни рад этди — энди у эркин агент мақомида турибди. Футболчига, шунингдек, «Барселона» ва Мадриднинг «Атлетико» клублари ҳам қизиқиш билдирмоқда.
