Жозе Моуринью тез орада «Бенфика»ни тарк этиб, расман Мадриднинг «Реал» клуби бошқарувини қўлга олади. «Қаймоқранглилар»нинг португалиялик мутахассис билан келишувга эришгани ҳақидаги хабарлар май ойидаёқ пайдо бўлган эди, бироқ клуб раҳбари Флорентино Перес 7 июнь куни президентлик сайловларини ўтказишга қарор қилди.
«Diario AS» нашрининг хабар беришича, Моуринью ушбу жараён туфайли ўзининг қимматли вақтини — аллақачон иш бошлаши мумкин бўлган қарийб икки ҳафтани бой бердим деб ҳисобламоқда. Эндиликда сайловлар якунланиб, Перес қайта сайланганидан сўнг, «The Special One» тезроқ ўз вазифасига киришишни хоҳламоқда.
Жозе Моуринью Мадриддан кетганидан 13 йил ўтиб яна «Реал»га қайтмоқда. У 2025/26 йилги мавсум тугаши билан лавозимини тарк этган Альваро Арбелоанинг ўрнини эгаллайди.
