«Манчестер Юнайтед» ярим ҳимоячи Сандро Тоналининг трансфери бўйича «Ньюкасл»нинг молиявий талабларини қондиришга тайёр. Бу ҳақда қатор Британия ва Италия ОАВларига таянган ҳолда teamTALK нашри хабар бермоқда.

«Ньюкасл» ўз футболчисини тахминан 100 миллион фунт стерлингга (116 миллион евро) баҳоламоқда ва ушбу талабларга мос келадиган таклиф тушса, уни сотишни кўриб чиқишга тайёр. «Қизил иблислар» 25 ёшли италиялик футболчини шу ёзда ярим ҳимоя чизиғини кучайтириш учун асосий мақсадлардан бири сифатида кўришмоқда. Рўйхатда Матеуш Фернандеш ва бошқа номзодлар ҳам бор, бироқ Тонали устувор вариант ҳисобланади.

Асосан таянч зонасида ҳаракат қиладиган футболчи ўтган мавсумда 53 та учрашувда майдонга тушиб, 3 та гол урди, 7 та голли узатмани амалга оширди ва 7 та сариқ карточка олди.