Италия чемпиони «Интер» янги мавсум арафасида трансфер бозоридаги ишларини давом эттирмоқда. «Sky Sport Italia» нашрининг хабар беришича, Милан клуби ҳимоячи Марко Палестра борасида «Аталанта» билан олиб борилаётган музокараларни вақтинча тўхтатиб қўйди.
«Нерадзуррилар» футболчи учун 40 миллион евро ва бонуслар сифатида яна 5 миллион евро таклиф қилди, бироқ Бергамо клуби кафолатланган тўлов сифатида нақд 50 миллион евро талаб қилмоқда. «Интер» раҳбарияти ўзлари таклиф қилган суммани адолатли деб ҳисобламоқда, шу сабабли музокаралар ҳозирча боши берк кўчага кириб қолди.
Эслатиб ўтамиз, якунланган мавсумда миланликлар 87 очко жамғарган ҳолда А Серияда биринчи ўринни эгаллашган эди. «Аталанта» эса 59 очко билан турнир жадвалининг еттинчи поғонасидан жой олган.
