Мадриднинг «Реал» клуби форварди Гонсало Гарсия ёзги трансфер ойнасида жамоасини ўзгартириши мумкин. Бу ҳақда El Debate нашри журналистлари хабар бермоқда.

Манба берган маълумотларга кўра, бир йўла бир нечта клуб ҳужумчини ўз сафига қўшиб олишни истамоқда. Гап «Боруссия», «Реал Сосьедад» ва «Комо» жамоалари ҳақида бормоқда. Эҳтимолий трансфер суммаси тахминан 30 миллион еврони ташкил қилиши мумкин.

Испания чемпионатининг якунланган мавсумида Гарсия «қироллик клуби» сафида 30 та учрашувда майдонга тушди. Гонсало ўз ҳисобига 6 та гол ва 1 та голли узатмани ёздириб қўйишга муваффақ бўлди. 22 ёшли футболчининг «қаймоқранглилар» билан амалдаги шартномаси 2030 йилнинг июнь ойи охиригача амал қилади.