«Бавария» бош мураббийи Венсан Компани жамоанинг эҳтимолий янги аъзоси Натаниэль Браун билан суҳбат ўтказиб улгурди. Белгиялик мутахассис «Бавария»га янги чап қанот ҳимоячиси зарур деб ҳисобламоқда, чунки Альфонсо Дэвис жароҳатлар туфайли тез-тез сафдан чиқиб турибди. Айни шу позиция учун Браун асосий нишон сифатида белгиланган.

Bayern & Germany нашрининг хабар беришича, мавсум якунланганидан кўп ўтмай, Компани «Айнтрахт» футболчиси билан боғланган ва унга ўз режалари ҳақида гапириб берган.

Кўринишидан, бош мураббий Браунни кўндиришга муваффақ бўлган. 22 ёшли Германия терма жамоаси аъзоси Лондоннинг «Арсенал» ва Мадриднинг «Реал» клублари томонидан бўлаётган қизиқишларга қарамай, «Бавария»га ўтишни истамоқда.

Франкфуртликлар юлдузининг Transfermarkt порталидаги баҳоси 40 миллион еврони ташкил этади.