Англиялик собиқ футболчи Майка Ричардс «Арсенал» таркибини кучайтириш борасидаги фикрлари билан ўртоқлашди. Собиқ ҳимоячининг сўзларига кўра, «канонирлар» чемпионликни қўлга киритганига қарамай, янги трансферларга муҳтож.

«Мен «Арсенал» фақат номи жарангдор бўлгани учунгина юлдуз футболчи сотиб олиши керак, деб ҳисобламайман. Янги ўйинчилар Артетанинг услубига мос келиши лозим. Чемпионликдан сўнг хотиржамликка берилмасдан, ривожланишда давом этиш зарур. Менимча, «Арсенал» «Атлетико»дан Хулиан Альваресни сотиб олиши керак эди. Тўғри, Дьёкерешнинг яхши ўйинлари бўлди, Хаверц муҳим голларни урди, аммо барча турнирларда курашишни давом эттириш учун янги даражага чиқиш вақти келди. «ПСЖ» ёки «Манчестер Сити» ҳужум чизиғига боқишнинг ўзи кифоя», — дея Ричардснинг сўзларини келтирмоқда Англия ОАВлари.

Маълумот учун, якунланган Чемпионлар лигаси мавсумида Микель Артета жамоаси финалгача етиб бориб, унда «ПСЖ»га мағлуб бўлган эди.