Франкфуртнинг «Айнтрахт» клуби чап қанот ҳимоячиси Натаниэль Браун «Манчестер Юнайтед»га ўтмайдиган бўлди.
«Қизил иблислар» сўнгги ҳафталарда 22 ёшли футболчининг вакиллари билан алоқага чиқишган эди. Ўйинчи трансферга тайёр эди ва Премьер-лигада ўз кучини синаб кўришни истаганди, бироқ «Бавария» фаолроқ ҳаракат қилди: «МЮ» кимошди савдосига киришишни истамади ва шу сабабли Мюнхен грандининг таклифидан кўпроқ пул беришдан бош тортди, деб хабар бермоқда Bild.
Яқин вақт ичида, агар кутилмаган ҳолат юз бермаса, Германия чемпионлари латераль трансфери бўйича келишувни якунига етказишади. Натаниэль «Бавария»га тахминан 65 миллион еврога тушиши тахмин қилинмоқда. Манкунианликлар бу нархни ҳаддан ташқари юқори деб ҳисоблашди ва шу сабабли бошқа номзодларга эътибор қаратишга ўтишди.
