Бразилия терма жамоаси бош мураббийи Карло Анчелотти Жаҳон чемпионати гуруҳ босқичи 1-туридан ўрин олган Марокашга қарши баҳс олдидан оммавий ахборот воситалари ходимлари билан учрашди ва ўз фикрларини билдирди.
«Марокаш турнирнинг ушбу босқичида бизнинг асосий рақибимиз ҳисобланади. Бу биринчи ўрин учун ҳал қилувчи ўйин бўлади. Гуруҳ ғолиби плей-офф босқичида нисбатан осонроқ сеткага тушади», — дея италиялик мутахассиснинг сўзларини келтирмоқда ижтимоий тармоқлардаги AlmarssadPro аккаунти.
Эслатиб ўтамиз, Бразилия ва Марокаш терма жамоалари ўртасидаги учрашув 13 июндан 14 июнга ўтар кечаси бўлиб ўтади.
Жаҳон чемпионати баҳсларига АҚШ, Канада ва Мексика мезбонлик қилмоқда. Мусобақанинг амалдаги ғолиби Аргентина терма жамоаси ҳисобланади.
