Таниқли мутахассис Доменико Тедеско Италиянинг “Болонья” клуби янги бош мураббийига айланди. Бельгия терма жамоаси собиқ устози Италиядаги режалари ҳақида ўртоқлашди.
“Клуб раҳбарияти менга билдирган ишончдан фахрланаман. “Болонья” бой тарихга эга. Сўнгги йилларда клуб аниқ ўсиш тенденциясини намойиш этди. Шу сабабли мен жуда ижобий кайфиятдаман ва шу билан бирга катта масъулиятни ҳис қиляпман. Мақсадим — ушбу ривожланиш жараёнини давом эттириш”, — дея Тедесконинг сўзларини келтиради derbyderbyderby.it.
Эслатиб ўтамиз, “Болонья” Италия чемпионатининг ўтган мавсумини А Серия турнир жадвалида 8-ўринда якунлаган эди.
