“Манчестер Юнайтед”нинг собиқ футболчиси Антонио Валенсия ўз ватандоши Мойсес Кайседони “қизил иблислар” сафида кўришни афзал кўришини тан олди. Эквадорлик хавбек 2023 йилдан бери “Челси” шарафини ҳимоя қилиб келмоқда.

“Кайседо “Манчестер Юнайтед”га ўтса, ажойиб бўларди. У майдон марказида Кобби Майну билан зўр жуфтлик ҳосил қила оларди. Мойсес ҳужумда ҳам, ҳимояда ҳам жуда кучли, у бутун 90 дақиқа давомида юқори интенсивликда ҳаракат қила олади”, — дея Валенсиянинг сўзларини келтиради The Touchline.

Кайседонинг “Челси” билан шартномаси 2033 йилгача мўлжалланган, унинг Transfermarkt порталидаги баҳоси эса 100 миллион еврони ташкил этади.