“Manchester Yunayted”ning sobiq futbolchisi Antonio Valensiya o‘z vatandoshi Moyses Kaysedoni “qizil iblislar” safida ko‘rishni afzal ko‘rishini tan oldi. Ekvadorlik xavbek 2023 yildan beri “Chelsi” sharafini himoya qilib kelmoqda.

“Kaysedo “Manchester Yunayted”ga o‘tsa, ajoyib bo‘lardi. U maydon markazida Kobbi Maynu bilan zo‘r juftlik hosil qila olardi. Moyses hujumda ham, himoyada ham juda kuchli, u butun 90 daqiqa davomida yuqori intensivlikda harakat qila oladi”, — deya Valensiyaning so‘zlarini keltiradi The Touchline.

Kaysedoning “Chelsi” bilan shartnomasi 2033 yilgacha mo‘ljallangan, uning Transfermarkt portalidagi bahosi esa 100 million yevroni tashkil etadi.