«Бавария» франциялик вингер Майкл Олисе билан амалдаги шартнома муддатини шу йилнинг кузигача узайтириш ниятида. Бу ҳақда L’Équipe нашри iMiaSanMia маълумотларига таяниб хабар бермоқда.
Мюнхен клуби 24 ёшли футболчини ўтган мавсумдаги ажойиб ўйинлари учун тақдирламоқчи. Франциялик футболчи ўтган мавсумда 22 та гол ва 25 та голли узатмага муаллифлик қилиб, мамлакат кубоги ва чемпионлигини қўлга киритган жамоанинг асосий фигураларидан бирига айланди.
«Бавария» раҳбарияти ўз етакчиларидан бирини сотиш имкониятини умуман кўриб чиқмаяпти ва уни узоқ муддатли истиқболда жамоада сақлаб қолишга умид қилмоқда. Манба берган хабарга кўра, Олисенинг маоши икки баравар оширилиши мумкин, бу эса уни жамоанинг энг кўп маош олувчи футболчиларидан бирига айлантиради.
Олисе Мюнхенга 2024 йилнинг ёзида «Кристал Пэлас»дан кўчиб ўтган эди ва тез фурсатда Бундеслиганинг энг ёрқин футболчиларидан бирига айланди. Футболчи Жаҳон чемпионатига аъло даражадаги спорт формасида етиб келди. Турнир олдидан у Шимолий Ирландияга қарши ўртоқлик учрашувида терма жамоадаги илк хет-тригини расмийлаштирди.
