Лондоннинг “Арсенал” клуби ҳужумчиси Виктор Дьёкереш клубдошларидан ким билан бирга Швеция терма жамоаси сафида тўп тепишни исташини маълум қилди. Грэм Поттер жамоаси мундиалда Тунис, Нидерландия ва Япония билан бир гуруҳдан жой олган.
“Мен Рикардо Калафьорини танлаган бўлардим, чунки у Италия терма жамоаси билан Жаҳон чемпионатига йўлланма ололмади. Ушбу турнирда иштирок эта олиши учун уни бизнинг жамоамизга таклиф қилган бўлардим”, — дея инглиз ОАВлари Дьёкерешнинг интервьюсидан сўзларни келтирмоқда.
Гуруҳ босқичининг 1-туридан ўрин олган Швеция ва Тунис терма жамоалари ўртасидаги баҳс 15 июнь куни Тошкент вақти билан соат 07:00 да бошланади.
Эслатиб ўтамиз, Италия плей-офф финалида Босния ва Герцеговина терма жамоасига имкониятни бой бериб, ЖЧ-2026 дан қуруқ қолган эди.
