Испания терма жамоаси 2026 йилги Жаҳон чемпионатининг бош фаворитларидан бири ҳисобланади, бироқ ҳозирча кубокни ким қўлга киритиши ҳақида гапириш эрта. Қатар терма жамоаси бош мураббийи Хулен Лопетегининг фикрича, якуний имкониятларни фақат плей-офф ўйинлари кўрсатиб беради.
“Фаворитлар барчамиз тахмин қилаётган ўша жамоалар бўлади. Испания ҳам, шубҳасиз, уларнинг қаторида бор”, — дея мутахассиснинг сўзларини AS нашри келтиради.
Маълумот учун, Opta суперкомпьютери ҳам ушбу мундиалда испанияликларнинг ғалаба қозониш имкониятини энг юқори деб баҳолаган эди. Гуруҳ босқичи доирасида Испания терма жамоаси Кабо-Верде, Саудия Арабистони ва Уругвай вакилларига қарши баҳс олиб боради.
