АҚШ терма жамоаси ярим ҳимоячиси Кристиан Пулишич жаҳон чемпионати биринчи тури доирасидаги Парагвайга қарши ўйиннинг биринчи бўлимида голли узатмани амалга оширди, аммо ҳисоб 3:0 бўлиб турганда танаффусда захирага олинди.

Бош мураббий Маурисио Почеттино ўйиндан сўнг шундай деди: «У болдир мушагига оғриқли зарба олди, биринчи бўлим охирида спазмни ҳис қилди. Биз умуман таваккал қилишни истамадик, унга юриш қийин эди. Аммо умид қиламанки, бу унчалик жиддий эмас ва у кейинги ўйинга тайёр бўлади».

Пулишичнинг ўзи эса ўйиндан кейин: «Ҳечқиси йўқ, бу шунчаки эҳтиёт чораси», – деди. Унинг сўзларини журналист Бен Жейкобс келтирган.

АҚШ терма жамоаси Парагвайни 4:1 ҳисобида мағлуб этди, жамоа кейинги ўйинини 19 июн куни Австралияга қарши ўтказади.