Бразилия терма жамоаси ҳужумчиси Винисиус Жуниор Неймарнинг жамоага қайтиши ҳақидаги фикрлари билан ўртоқлашди. «Сантос»нинг 34 ёшли футболчиси қарийб уч йилдан бери терма жамоада ўйнамаган бўлса-да, ЖЧ-2026 учун «пентакампеонлар» қайдномасига киритилди.
«Неймар — менинг кумирим. Майдонда ўрганаётган ва қўллайдиган барча ҳаракатларимни Неймарни такрорлашга уриниш орқали ўзлаштирганман. Унинг қайтиши биз учун жуда муҳим», — дея Винисиуснинг сўзларини келтиради The Touchline.
14 июнь куни Тошкент вақти билан соат 03:00 да бразилияликларнинг ЖЧ-2026даги биринчи ўйини бошланади — рақиб Марокаш терма жамоаси бўлади. Бош мураббий Карло Анчелотти яқинда бўлиб ўтган матбуот анжуманида хабар берганидек, Неймар жароҳати сабаб ушбу ўйинни ўтказиб юборади.
