Бразилиялик вингер Луис Энрике ўз миллий жамоасининг Жаҳон чемпионати — 2026 даги имкониятлари ҳақида фикр алмашди.
«Афсуски, ўтган Жаҳон чемпионатларида терма жамоамиз ўзини ёрқин кўрсата олмади, аммо бу сафар ҳамма нарса ўз қўлимизда эканлигига ишончим комил», — дея футболчининг сўзларини келтиради «Спорт-Экспресс» нашри.
Бразилия терма жамоаси Жаҳон чемпионатларида ғолиб чиқиш бўйича рекордчи ҳисобланади. Бироқ жамоа ўзларининг сўнгги чемпионлик унвонини узоқ 2002 йилда қўлга киритган.
Ушбу мундиалда бразилияликлар Карло Анчелотти бошчилигида «C» гуруҳида Марокаш, Шотландия ва Гаити терма жамоаларига қарши баҳс олиб боришади. Бразилия жамоасининг илк ўйини 14 июнь куни бўлиб ўтади.
