Жаҳон чемпионати — 2026 гуруҳ босқичининг биринчи турида Бразилия терма жамоаси Марокаш миллий жамоаси билан тўқнаш келади. «Селесао» устози Карло Анчелотти бўлажак рақиб имкониятларини баҳолади.
«Марокаш терма жамоаси — Африкадаги энг кучлилардан бири. Бу ўз сафида ажойиб футболчиларни жамлаган кучли жамоа ҳисобланади. Биз ушбу рақибга тўлиқ ҳурмат билан ёндашамиз ва чиройли футбол кутмоқдамиз. Бўлажак учрашувда Бразилия ҳам ҳужумда, ҳам ҳимояда бекаму кўст ўйин кўрсатиши керак», — дея италиялик мутахассиснинг сўзларини келтиради Globo нашри.
Бразилия ва Марокаш ўртасидаги учрашув 14 июнь куни бўлиб ўтади. Баҳс Тошкент вақти билан соат 03:00 да бошланади.
