Jahon chempionati — 2026 guruh bosqichining birinchi turida Braziliya terma jamoasi Marokash milliy jamoasi bilan to‘qnash keladi. «Selesao» ustozi Karlo Anchelotti bo‘lajak raqib imkoniyatlarini baholadi.
«Marokash terma jamoasi — Afrikadagi eng kuchlilardan biri. Bu o‘z safida ajoyib futbolchilarni jamlagan kuchli jamoa hisoblanadi. Biz ushbu raqibga to‘liq hurmat bilan yondashamiz va chiroyli futbol kutmoqdamiz. Bo‘lajak uchrashuvda Braziliya ham hujumda, ham himoyada bekamu ko‘st o‘yin ko‘rsatishi kerak», — deya italiyalik mutaxassisning so‘zlarini keltiradi Globo nashri.
Braziliya va Marokash o‘rtasidagi uchrashuv 14 iyun kuni bo‘lib o‘tadi. Bahs Toshkent vaqti bilan soat 03:00 da boshlanadi.
