«Рома» клубининг марказий ярим ҳимоячиси Ману Коне жорий ёзда клубини ўзгартириши мумкин. 25 ёшли футболчига Лондоннинг «Арсенал» клуби қизиқиш билдирмоқда.

L'Équipe нашрининг хабар беришича, «канонирлар» ёзги трансфер ойнасида Коне трансфери имкониятларини ўрганишмоқда. Манбага кўра, «Рома» ФИФАнинг молиявий қоидаларига (фэйр-плей) амал қилиш мақсадида ўз етакчи юлдузларидан бирини сотишга мажбур бўлиши мумкин.

Таъкидланишича, келишув суммаси тахминан 40 миллион еврони ташкил қилиши мумкин. Шунингдек, Коненинг ҳаракатларини Миланнинг «Интер» клуби ҳам кузатиб бормоқда.

Якунланган мавсумда Коне барча мусобақаларда жами 37 та учрашувда майдонга тушиб, иккита гол урди ва учта голли узатма муаллифига айланди.