«Реал» собиқ футболчиси Пепе «Ливерпуль»нинг собиқ ҳимоячиси Ибраима Конатенинг Мадрид клубига эҳтимолий трансфери ҳақида ўз фикри билан ўртоқлашди — «қаймоқранглилар» франциялик футболчининг трансфери борасида келишувга эришишган, бироқ бу ҳақда ҳали расман эълон қилишгани йўқ.
«Менга Ибраима Конате ёқади. У мендан яхшироқ бўлади деб умид қиламан. Бу «Реал»да ҳамма иш яхши кетаётгани ва биз совринлар ютаётганимиздан далолат беради, мен эса айнан шуни хоҳлайман», — дея Пепенинг сўзларини келтиради Madrid Extra.
Эслатиб ўтамиз, 30 июнь куни Ибраима Конате эркин агентга айланади. 2025/26 йилги мавсумда ҳимоячи «Ливерпуль» сафида барча турнирларда 51 та ўйинда майдонга тушиб, 2 та гол урди.
