«Милан» мавсумнинг сўнгги ўйинида муваффақиятсизликка учради ва Чемпионлар лигаси йўлланмасидан маҳрум бўлди. Клуб хўжайинлари бунга кескин муносабат билдиришди — Массимилиано Аллегри ва бир нечта директорлар истеъфога чиқарилди.
The Athletic нашри саҳифаларида «Милан»нинг янги бош мураббий тайинлаш бўйича олиб бораётган ишлари ҳақида мақола чоп этилди. Манбага кўра, «россонери»лар учун бош мураббийликка асосий номзод Рубен Аморим бўлиб турибди. Португалиялик мутахассис А Серия гранди билан аллақачон музокаралар ўтказган ва бу ҳақда аввалроқ ҳам хабар берилган эди.
Қайд этилишича, «Милан» аслида Андони Ираолани тайинламоқчи бўлган, бироқ испаниялик мутахассис «Борнмут»даги муваффақиятли даврдан сўнг «Ливерпуль» бошқарувини қўлга олди.
«Милан» А Серияда бешинчи ўринни эгаллади ва Европа лигаси йўлланмаси билан кифояланди.
