«МЮ» ёзги трансфер вақтида ниҳоят ўз мақсадига эришди ва Маруан Феллайнини қўлга киритиди. Бунга жамоа устози Девид Мойеснинг ҳам хизматлари бўлгани аниқ. Албатта, Мойесга ҳам уни тушунадиган футболчилар керакда. 

Феллайнининг ўзи эса Манчестерга келганидан жуда мамнун. Эсингизда бўлса, у «Эвертон»да бўлган вақтидаёқ Манчестерга кўчиб ўтган эди. Фақат футбол ўйнаш учун эмас, яшаш учун. Унга Ливерпулда мухлислар ва айниқса, мухлисалар жуда кўп гап отишарди. Кўпчилик йигитлардан фарқли ўлароқ бу Маруанга ёқмас эди ва Манчестердан қатнаб, «Эвертон»да ўйнарди. Энди эса у баъзагача унча узоқ масофани босиб ўтиши керак эмас.

Бизнинг таниқли рассомимиз Омар Моманининг шаблон қаҳрамонларидан бирига айланган Феллайни бу сафар қизил формада тасвирланган холос. Бошқа ҳеч қандай ўзгариш йўқ. Бундан ташқари рассом Уэйн Руни ва Девид Мойесларни ҳам ўз суратида акс эттирган. Буни тушуниш қийин эмас. Охирги вақтларда мураббий ва Руни ўртасида «жанг» юмшагандай, лекин ҳамон зимдан давом этмоқда. Балки Маруаннинг келиши Руни учун огоҳлик қўнғироғи бўлгандир...