Фабрицио Романо берган хабарга кўра, «Арсенал» «Рома»дан Ману Конени трансфер қилиш бўйича фаол музокаралар олиб бормаяпти. Инсайдернинг таъкидлашича, АПЛ чемпионлари айни дамда франциялик ярим ҳимоячини сотиб олишни мақсад қилмаган.

Бундан аввалроқ, «Арсенал» 25 ёшли ярим ҳимоячини ўз сафига қўшиб олиш учун фаол музокаралар олиб бораётгани, «Рома» эса Коне учун тахминан 50 миллион евро талаб қилаётгани ҳақида миш-мишлар тарқалган эди.

Ману Коненинг римликлар билан шартномаси 2029 йилнинг ёзига қадар мўлжалланган. Ўтган мавсумда хавбек Италия чемпионатида 29 та ўйинда майдонга тушиб, 2 та гол ва 3 та голли узатмага муаллифлик қилди. Transfermarkt портали Коненинг трансфер қийматини 50 миллион еврога баҳоламоқда.