«Ливерпуль» ярим ҳимоячиси Доминик Собослаи «Барселона»га ўтиши мумкин.

TEAMtalk нашрининг берган маълумотларига кўра, Каталония клуби венгриялик футболчини сотиб олишга жиддий қизиқиш билдирмоқда. Бироқ «қизиллар» ушбу ёзда ўз хавбекини сотишга рози бўлишлари эҳтимоли жуда паст.

Доминик Собослаи 2023 йилда «РБ Лейпциг»дан «Ливерпуль»га 70 миллион евро эвазига ўтган эди. Унинг шартномаси 2028 йилнинг 30 июнига қадар мўлжалланган. 2025/26 йилги мавсумда ярим ҳимоячи «қизиллар» сафида барча мусобақаларда 53 та ўйинда майдонга тушиб, 13 та гол урди ва 12 та голли узатмани амалга оширди. Transfermarkt портали Собослаининг трансфер баҳосини 100 миллион еврога баҳоламоқда.