Англия терма жамоаси собиқ ҳужумчиси Уэйн Руни Португалия терма жамоасининг ЖЧ-2026 1-турида Конго ДРга қарши ўйинда қайд этган дуранги (1:1) ҳақида ўз фикрларини билдирди.

«Гуруҳ босқичидаги дастлабки учрашув жуда катта аҳамиятга эга. Агар Португалиянинг қандай ўйнагани ҳақида гапирадиган бўлсак, майдонда кўпроқ энергия кўришни истаган бўлардим. Менга кўпроқ ҳаракат етишмагандек туюлди. Футболчилар тез-тез бўш ҳудудларга очилишлари ва Криштиану Роналдуни ортда қолдириб, олдинга қараб юришлар қилишларини хоҳлардим. Менимча, Португалия жуда кучсиз ўйин ўтказди.

Агар вазиятлар бўлмаса, Криштиану Роналдунинг статистикаси идеал кўринишга келмайди. Агар унда вазиятлар, айниқса, яхши имкониятлар бўлса, у албатта гол уради. Биз унинг сўнгги беш йилдаги статистикасига қарашимиз мумкин, аммо бу ҳозир ҳеч нарсани англатмайди», — деди Руни.