«Манчестер Юнайтед» ҳужумчиси Маркус Рэшфорд «Астон Вилла»га қайтиши мумкин.

MatchDay Central нашрининг хабарига кўра, «шерлар» форвардни яна ижарага олишга қизиқиш билдирмоқда. Бироқ, «қизил иблислар» ўз футболчисини оддий ижарага беришга зўрга рози бўлишади ва катта эҳтимол билан ўйинчини мажбурий сотиб олиш банди киритилмаган ҳар қандай таклифни рад этишади. «Астон Вилла» ҳозирча Рэшфорд бўйича расмий таклиф юбормади, аммо унга даъвогарлик қилаётган асосий клублардан бири бўлиб турибди.

Эслатиб ўтамиз, Маркус Рэшфорд 2025 йилнинг февралидан июнига қадар «Астон Вилла»да ижара асосида тўп сурган эди. Ўтган мавсумда эса форвард «Барселона»да ижарада ўйнаб, барча турнирларда 49 та учрашувда майдонга тушди, 14 та гол урди ва 14 та голли узатмани амалга оширди.