Миланнинг «Интер» клуби ҳимоячи Марко Палестра трансфери бўйича «Аталанта»га расмий сўров юборди. Бу ҳақда журналист Фабрицио Романо ўзининг ижтимоий тармоқлардаги саҳифаларида маълум қилди.

Таклиф этилган сумма кафолатланган 45 миллион евро ҳамда бонус кўринишидаги яна 5 миллион еврони ташкил этмоқда. Қайд этилишича, шартноманинг шахсий шартлари аллақачон келишиб бўлинган ва тўлиқ ёпилган.

Футболчи «Интер»га ўтишни талаб қилмоқда. Клублар ўртасидаги музокаралар давом этмоқда, бироқ Милан клуби битим муваффақиятли якунланишига ишонмоқда.

Якунланган мавсумда Палестра ижара асосида «Кальяри» таркибида 37 та ўйинда майдонга тушиб, 1 та гол урди, 4 та голли узатмани амалга оширди ва 3 та огоҳлантириш (сариқ карточка) олди.