Виталий Денисов Ўзбекистон терма жамоасининг мундиалдаги дебют учрашуви ҳақида фикр билдирди. Эслатиб ўтамиз, жамоа гуруҳ босқичининг 1-турида Колумбия билан тўқнаш келиб, 1:3 ҳисобида мағлубиятга учраган эди.
"Дебют муваффақиятли чиқмади. Биринчи бўлимда жамоа кишанлангандек, ҳаяжонда ва қўрқув остида кўринди. Иккинчи бўлимда эса бирмунча очилишди ва олдинга интилишди", — деди Денисов.
Навбатдаги ўйинда Ўзбекистон терма жамоаси Португалияга қарши баҳс олиб боради. Португаллар бундан олдинги ўз учрашувларида ДР Конгони мағлуб эта олишмаган эди (1:1).
