Туркия терма жамоаси етакчиларидан бири Хакан Чалҳанўғли ЖЧ-2026дан чиқиб кетганларидан сўнг ўз фикрларини билдирди. Дастлабки иккита ўйиндан кейин терма жамоа плей-офф босқичига чиқиш имкониятидан бутунлай маҳрум бўлди.
«Ҳозир сўз топиш жуда қийин. Жамоа бор кучини ишга солди, бироқ бу камлик қилди. Рақиб дарвозасига кўп зарба йўлладик, аммо гол ура олмадик. Омадимиз келмади. Парагвай эса битта зарба берди, вазиятдан унумли фойдаланди ва ғалаба қозонди.
Халқимиздан узр сўрамоқчиман. Бизда ёш терма жамоа шаклланган, олдинда бизни ҳали кўплаб турнирлар кутмоқда. Бу мен учун фаолиятимдаги охирги Жаҳон чемпионати бўлиши мумкинлигини ҳам инкор этмайман», — дея ярим ҳимоячининг сўзларини келтиради TRT Spor телеканали.
Ўтказилган иккита учрашувдан сўнг Туркия терма жамоаси бирорта ҳам очко тўплай олмади.
