Бразилия терма жамоаси вингери Винисиус Жуниор Жаҳон чемпионати–2026 доирасида Гаитига қарши кечган ўйинда (3:0) рақиб дарвозасини ишғол этди ва Матеус Куньяга голли узатма етказиб берди.
Мусобақанинг 1-турида «Реал» футболчиси Марокаш (1:1) дарвозасига ҳам йўл топган эди. Шу тариқа, жорий Жаҳон чемпионатида Винисиуснинг «гол+пас» тизими бўйича жамғарган очколари 3 тага (2 та гол ва 1 та ассист) етди.
Бразилиялик юлдуз ушбу кўрсаткич бўйича мусобақа тўпурарлари рўйхатида етакчиликни қўлга олди. Айни пайтда у билан бир қаторда Аргентинадан Лионель Месси (Жазоир билан ўйинда 3 та гол), Канададан Жонатан Дэвид (иккита ўйинда 3 та гол), Германиядан Дениз Ундав (1+2) ва Швециядан Александер Исак (1+2) ҳам 3 очко билан етакчилик қилишмоқда.
