«Комо» клубининг 21 ёшли ярим ҳимоячиси Николас Пас ўзининг келажаги борасидаги позициясини ўзгартиргани йўқ. Бу ҳақда таниқли инсайдер Николо Скира хабар бермоқда.

Бундан олдинроқ, Мадриднинг «Реал» клуби Пасни кейинчалик бошқа жамоага қимматроққа қайта сотиш мақсадида, унинг шартномасидаги «қайта сотиб олиш» бандини фаоллаштирмоқчи эканлиги маълум бўлган эди.

Бироқ манба берган хабарга кўра, аргентиналик иқтидор эгаси ҳамон «Комо»да қолишни истамоқда ва Мадрид клубига қайтиш ниятида эмас. Клублар ўртасидаги музокаралар ҳали ҳам давом этмоқда, аммо Италия томони Пасни ўз сафида сақлаб қолишига тўлиқ ишонмоқда.

Якунланган 2025/26 йилги мавсумда Пас барча мусобақаларни инобатга олган ҳолда 40 та ўйинда майдонга тушиб, рақиблар дарвозасини 13 бор ишғол этди ва 8 та голли узатмани амалга оширди.