Франциянинг «Лион» клуби ҳужумчи Луи Опендани ўз сафига қўшиб олиш учун курашга киришди. Бу ҳақда таниқли инсайдер ва журналист Жанлука ди Марцио ўз сайтида хабар берди.

«РБ Лейпциг»дан сотиб олинганидан сўнг трансфер ҳуқуқи «Ювентус»га тегишли бўлган форвард шу ёздаёқ Турин клубини тарк этиши мумкин. Манбанинг таъкидлашича, 26 ёшли бельгиялик футболчининг хизматларига «Монако», АПЛ вакили «Ноттингем Форест» ҳамда Германиянинг «Айнтрахт» клублари ҳам жиддий қизиқиш билдирмоқда.

Италиядаги дебют мавсуми Опенда учун анча омадсиз кечди. У Турин клуби сафида барча мусобақаларда 37 та ўйинда майдонга тушиб, бор-йўғи 2 та гол урди. Ваҳоланки, у бундан олдин «Лейпциг» ва «Ланс» жамоаларида жуда юқори маҳсулдорлик намойиш этиб келаётган эди.

Ди Марциога кўра, «Лион» айни пайтда ҳужум чизиғини кучайтиришга жуда муҳтож ва бельгиялик футболчини ўз трансфер рўйхатидаги асосий ва устувор номзодлардан бири сифатида кўрмоқда.