«Барселона»нинг 17 ёшли ҳужумкор ярим ҳимоячиси Тони Фернандес фаолиятини жамоада давом эттириш ниятида. Бу ҳақда Испаниянинг машҳур Mundo Deportivo газетаси хабар бермоқда.
Манбанинг берган маълумотларига кўра, «Барселона» ҳозирча Фернандесга янги шартнома таклиф қилгани йўқ, футболчининг амалдаги келишуви эса кейинги ёзда якунига етади. Айни дамда ярим ҳимоячига «Алавес», «Севилья» ва «Реал Овьедо» клублари қизиқиш билдирмоқда. Бироқ Фернандес бор эътиборини Ханси Флик қўл остида ўтадиган бўлажак йиғинларга қаратган.
Якунланган мавсумда ярим ҳимоячи Испания чемпионатида фақатгина битта учрашувда майдонга тушди ва самарали ҳаракатлари билан ажралиб тура олмади.
