«Байер» ҳимоячиси Алехандро Гримальдо Мадриднинг «Атлетико» клубига ўтиш арафасида турибди. Бу ҳақда журналист Маттео Моретто маълум қилди.
Яқин вақт ичида 30 ёшли испаниялик футболчи «матрасчилар» билан яна бир мавсумга узайтириш имконияти билан уч йиллик меҳнат шартномасини имзолайди. Трансфер суммаси бонуслар билан бирга 20 миллион еврони ташкил этиши кутилмоқда.
Ўтган мавсумда Гримальдо барча турнирларни ҳисобга олганда 46 та учрашувда майдонга тушиб, 14 та гол урди ва 12 та голли узатмани амалга оширди.
Айни пайтда Гримальдо Испания терма жамоаси сафида ЖЧ-2026 да иштирок этмоқда. Бироқ Кабо-Вердега қарши кечган биринчи ўйинда (0:0) у майдонга тушмади.
