Испания терма жамоаси ҳужумчиси Ламин Ямал жаҳон чемпионатида жамоасига қаратилган танқидларга муносабат билдирди. Дастлабки турда «қизил фурия» Кабо-Верде билан 0:0 ҳисобида дуранг ўйнади. Жароҳатидан тикланишда давом этаётган Ямальнинг ўзи иккинчи бўлимда захирадан майдонга тушди.
«Журналистлар ўз ишларини якунлашга жуда шошмоқдалар. Атиги биринчи тур ўтди, холос. Испания ва Португалия бир очкодан тўплади. Аргентина ва Франция ғалаба қозонди ва сизлар аллақачон уларни финалга чиқармоқчисиз. Биз жаҳон чемпионатининг атиги биринчи турини ўйнадик. Мен буни тушунмайман: ўйинлардан завқланиш ўрнига, сизлар шошқалоқлик билан хулоса чиқаришга ошиқасиз. Сизлар учун Испания даҳшатли. Футболни ҳақиқатдан ҳам тушунадиганлар учун эса — ундай эмас», — деб иқтибос келтиради Mundo Deportivo Ямалнинг сўзларидан.
Якшанба, 21 июнь куни Испания гуруҳ босқичи иккинчи турида Саудия Арабистонига қарши ўйнайди. Луис де ла Фуэнте шогирдлари гуруҳ босқичидаги сўнгги ўйинни 27 июнь куни Уругвайга қарши ўтказадилар.
