Сенегал терма жамоаси устози Пап Тиав 2026 йилги жаҳон чемпионати гуруҳ босқичи доирасида Норвегия миллий жамоасига қарши бўлиб ўтадиган учрашув ҳақида фикр билдирди.
«Биз баъзи қийинчиликларга дуч келдик, аммо ҳозир норвегияликларга қарши ўйинга тўлиқ эътибор қаратганмиз. Бу оғир баҳс бўлади, лекин биз рақибни етарлича яхши ўргандик. Бу ҳозирги босқичда биз учун финал ҳисобланади. Агар ютқазсак, плей-оффга чиқиш имкониятидан маҳрум бўлишимиз мумкин», — дея мутахассиснинг сўзларини келтиради Lequipe.
Сенегал ва Норвегия терма жамоалари ўртасидаги учрашув эртага, 23 июнь куни бўлиб ўтади, бош ҳакамнинг ҳуштаги Тошкент вақти билан соат 05:00да янграйди.
