Мадриднинг «Атлетико» клуби аргентиналик вингери Тьяго Альмада Саудия Арабистонига йўл олиши мумкин.
Таниқли журналист Херман Гарсия Грованинг хабар беришича, 25 ёшли футболчига Саудиянинг «Ал-Аҳли» клуби кўз тиккан. Клуб «матрасчилар»га 26 миллион евролик таклиф билан чиқиши кутилмоқда. Альмаданинг ўзи эса келажаги борасидаги қарорни 2026-yilги жаҳон чемпионатидан кейин қабул қилишни режалаштирмоқда.
Ўтган ёзда «Атлетико» Альмадани Бразилиянинг «Ботафого»сидан 21 миллион евро эвазига сотиб олган эди. Испания гранди сафида у барча турнирларда 40 та учрашувда майдонга тушиб, рақиблар дарвозасини тўрт бор ишғол қилди ва иккита голли узатмага муаллифлик қилди.
