Италиянинг «Милан» клуби собиқ футболчиси Тижани Рейндерс Англия чемпионатидаги унчалик муваффақиятли чиқмаган мавсумдан сўнг «россонери»ни илиқ хотиралар билан ёдга олди. Италиянинг «La Gazzetta Dello Sport» нашрига берган интервьюсида у «Милан» билан қалбан боғланиб қолганини айтиб ўтди.
«Мен «Милан» билан боғланганман, у абадий менинг юрагимда қолади. Мен клубда иккита ажойиб йилни ўтказдим ва жуда кўп нарсани ўргандим. Ҳам футболчи, ҳам инсон сифатида. Бу икки йилни ҳеч қачон унутмайман», — дея Рейндерснинг сўзларини келтиради «pianetamilan.it».
Эслатиб ўтамиз, Тижани Рейндерс 2023 йилдан 2025 йилгача «Милан» сафида тўп сурган, шундан сўнг «Манчестер Юнайтед»га кўчиб ўтган эди.
