Швециялик ҳужумчи Виктор Дьёкереш Лондоннинг "Арсенал" клубини тарк этмайди. Бу ҳақда CaughtOffside нашри хабар бермоқда.
Манбанинг берган маълумотларига кўра, Дьёкерешнинг Хулиан Альваресга алмаштирилиш эҳтимоли ҳақидаги миш-мишларга қарамай, "канонирлар" уни "Атлетико"га қўйиб юбориш ниятида эмас. Ҳужумчи ҳанузгача "Арсенал"нинг режаларига киради, шу сабабли клуб у билан хайрлашишга тайёр эмас.
Якунланган мавсумда 28 ёшли Дьёкереш барча турнирларда 55 та учрашувда майдонга тушиб, 21 та гол урди ва учта голли узатмага муаллифлик қилди.
Форварднинг "Арсенал" билан амалдаги меҳнат шартномаси 2030 йилнинг ўрталарига қадар мўлжалланган.
