Хулиан Альварес "Барселона"га ўтишни истамоқда. Каталонияликлар аргентиналик футболчини шу ёзда сотиб олишга ҳаракат қилишади, бироқ "Атлетико"нинг қатъий позицияси туфайли бу келишувни амалга ошириш жуда қийин бўлади. Мадридликлар "кўк-анорранглилар"га Альварес трансфери учун шартномада белгиланган товон пулини тўлашлари кераклигини маълум қилиб улгуришди, бу эса, ҳазил эмас, нақд 500 миллион еврони ташкил этади.
Бу орада Хулиан Альварес Лионель Месси билан кўп мулоқот қилмоқда. Журналист Эрнан Кастильо хабар беришича, Альварес яқин орада Каталонияга кўчиб ўтишдан умид қилган ҳолда, Барселонадаги ҳаёт тарзи борасида Месси билан маслаҳатлашмоқда.
Ҳозирги вақтда Альварес ва Месси Аргентина терма жамоаси ихтиёрида, Жаҳон чемпионатида иштирок этишмоқда.
