Италиянинг «Милан» клуби «Челси»нинг сенегаллик ҳужумчиси Николас Жексонни харид қилиш ниятида. Бу ҳақда «Corriere dello Sport» газетаси хабар эълон қилди.

Манбанинг маълумотларига кўра, агар кимдир у учун 60 миллион евро таклиф қилса, «Челси» 25 ёшли ҳужумчини сотишга тайёр. Айни пайтда «Милан» «кўклар» раҳбарияти билан алоқа ўрнатган ва трансферни бошқа шартларда амалга ошириш имкониятларини ўрганмоқда.

Ортда қолган мавсумни Жексон ижара асосида Мюнхеннинг «Бавария» клубида ўтказди. Германия гранди сафида у 34 та учрашувда майдонга тушиб, 11 та гол урди ва тўртта голли узатмани амалга оширди.

«Transfermarkt» портали маълумотларига кўра, Жексоннинг бозор қиймати 40 миллион еврони ташкил этади.