Туриннинг «Ювентус» клуби сербиялик марказий ҳужумчиси Душан Влахович Каталониянинг «Барселона» клуби қизиқишлари доирасида бўлиб турибди. Агар испаниялик Ферран Торрес шу ёзда клубини ўзгартирадиган бўлса, у «кўк-анорранглилар» таркибида унинг ўрнини эгаллаши мумкин.
Mundo Deportivo нашри берган маълумотларга кўра, Влахович «Барселона»га ўз молиявий талабларини билдирган. 26 ёшли ҳужумчи 15 миллион евро миқдорида шартнома имзолагани учун бонус ҳамда йилига тахминан саккиз миллион евро маош олмоқчи.
Душаннинг «кекса синьора» билан амалдаги меҳнат шартномаси жорий ойнинг охирида (шу кунларда) якунига етади.
2025/2026 йилги мавсумда форвард «Ювентус» сафида 23 та учрашувда майдонга тушиб, ўнта гол ва иккита голли узатма билан маҳсулдорлик кўрсатган.
