Африка қитъасининг бир йўла бешта терма жамоаси ўз тарихида биринчи марта Жаҳон чемпионатининг плей-офф босқичи йўлланмасини қўлга киритди. Улардан бири умуман ўз тарихида илк бор турнирнинг финал босқичига йўл олган эди.
ДР Конго, Кот-д'Ивуар, Жанубий Африка Республикаси (ЖАР) ва Миср терма жамоалари муқаддам ҳеч қачон гуруҳ босқичи тўсиғидан ўта олишмаган. Кабо-Верде терма жамоаси учун эса 2026 йилги мундиал фаолиятидаги дебют турнир бўлди.
Шу билан бирга, Африка жамоаларининг плей-оффдаги умумий сони ҳам рекорд кўрсаткичга етди. Мусобақада иштирок этган 10 та жамоадан 9 таси гуруҳ босқичини муваффақиятли якунлаб, кейинги раундга ўтди — фақатгина Тунис турнирни тарк этди.
