Ҳужумчи Николо Дзаньоло шу ёзда «Удинезе»ни тарк этиши мумкин.

Tuttosport нашри берган маълумотларга кўра, «Ювентус» футболчини ўз сафига қўшиб олишга қизиқиш билдирмоқда. Турин клуби ўйинчининг вакиллари билан боғланган ва трансфер учун дастлабки розиликни олган. Ушбу трансфер суммаси 15 миллион еврони ташкил қилиши мумкин. Шунингдек, Дзаньолони «Милан» ва «Комо» клублари ҳам ўз таркибида кўришни истамоқда. «Удинезе» эса форвардни сақлаб қолмоқчи, бироқ футболчининг ўзи жамоада қолишни хоҳламаяпти.

Николо Дзаньоло шу ёзда «Галатасарой»дан «Удинезе»га 5 миллион евро эвазига ўтган эди. Унинг шартномаси 2029 йилнинг 30 июнига қадар мўлжалланган. 2025/26 йилги мавсумда ҳужумчи барча турнирларда 38 та ўйинда майдонга тушиб, 6 та гол урди ва 7 та голли узатмани амалга оширди.