«Бенфика»нинг португалиялик ҳимоячиси Антониу Силва «Милан»га ўтишга жуда яқин турибди.
Инсайдер Николо Скиранинг хабар беришича, Италия гранди 22 ёшли Силва билан 2031 йилгача мўлжалланган меҳнат шартномасини келишиб олган. Эндиликда «Милан» «Бенфика» клубига расмий таклиф юборишга тайёргарлик кўрмоқда. Музокаралар жараёни давом этмоқда.
Алоҳида таъкидланишича, «Милан» Силва учун кечган курашда Саудия Арабистони клуби ва Англия Премьер-лигасининг икки вакилини ортда қолдиришга муваффақ бўлган.
Аввалроқ, Силванинг трансфери «Милан»га тахминан 25–30 миллион еврога тушиши мумкинлиги ҳақида хабар берилган эди.
2025/26 йилги мавсумда Силва барча мусобақаларни инобатга олган ҳолда 41 та ўйинда майдонга тушди. Ҳимоячи ўз ҳисобига битта гол ва битта голли узатма ёздириб қўйган.
