Лондоннинг «Арсенал» клуби бош мураббий Микель Артета билан ҳамкорликни давом эттиришга мутлақо шак-шубҳа қилмаяпти.
HandofArsenal нашрининг хабар беришича, «канонирлар» раҳбарияти испаниялик мутахассис тез орада шартномани узайтиришига ишонмоқда. Янги музокаралар шу ёзда бўлиб ўтади. Мураббийнинг клуб трансфер ишларида фаол иштирок этаётгани томонларнинг янги битим тузиш борасидаги ўзаро хоҳиш-истакларининг яққол белгиси сифатида баҳоланмоқда.
Микель Артета 2019 йилнинг декабрь ойидан буён «Арсенал» бошқарувчиси лавозимида ишлаб келмоқда. 44 ёшли мураббийнинг пойтахт гранди билан амалдаги меҳнат шартномаси кейинги йилнинг ўрталарида якунига етади.
Якунланган мавсумда «Арсенал» 2004 йилдан бери илк бор Премьер-лига чемпионлигини қўлга киритди.
