Лондоннинг «Арсенал» клуби Туриннинг «Ювентус» жамоасида тўп сураётган туркиялик вингер Кенан Йилдизни сотиб олишга қизиқиш билдирмоқда.

HandofArsenal ижтимоий тармоқ саҳифасида хабар берилишича, «кекса синьора» раҳбарияти ўз юлдузи борасидаги кейинги режаларини белгилаб олган. Туринликлар шу ёзда Йилдизни сотишдан манфаатдор эмаслар.

Кенаннинг айни пайтдаги бозор қиймати 70 миллион еврога баҳоланмоқда. «Ювентус» ва туркиялик футболчи ўртасидаги амалдаги меҳнат шартномаси 2030 йилнинг ўрталарига қадар мўлжалланган.

Италия А Сериясининг якунланган мавсумида Йилдиз 36 та учрашувда майдонга тушиб, ўз ҳисобига 10 та гол ва 6 та голли узатмани ёздириб қўйишга муваффақ бўлган эди.