Londonning «Arsenal» klubi Turinning «Yuventus» jamoasida to‘p surayotgan turkiyalik vinger Kenan Yildizni sotib olishga qiziqish bildirmoqda.
HandofArsenal ijtimoiy tarmoq sahifasida xabar berilishicha, «keksa sinyora» rahbariyati o‘z yulduzi borasidagi keyingi rejalarini belgilab olgan. Turinliklar shu yozda Yildizni sotishdan manfaatdor emaslar.
Kenanning ayni paytdagi bozor qiymati 70 million yevroga baholanmoqda. «Yuventus» va turkiyalik futbolchi o‘rtasidagi amaldagi mehnat shartnomasi 2030 yilning o‘rtalariga qadar mo‘ljallangan.
Italiya A Seriyasining yakunlangan mavsumida Yildiz 36 ta uchrashuvda maydonga tushib, o‘z hisobiga 10 ta gol va 6 ta golli uzatmani yozdirib qo‘yishga muvaffaq bo‘lgan edi.
